Psalms 114
Maajabu Ya Mungu Wakati Israeli Walipotoka Misri
1 aWakati Israeli walipotoka Misri,
nyumba ya Yakobo kutoka kwa watu wa lugha ngeni,
2 bYuda alifanywa makao matakatifu ya Mungu,
Israeli akawa milki yake.
3 cBahari ilitazama ikakimbia,
Yordani ulirudi nyuma,
4 dmilima ilirukaruka kama kondoo dume,
vilima kama wana-kondoo.
5 eEe bahari, ni nini kilichokufanya ukakimbia,
nawe, ee Yordani, ukarudi nyuma,
6 enyi milima mkarukaruka kama kondoo dume,
enyi vilima, kama wana-kondoo?
7 fEe dunia, tetemeka mbele za Bwana,
mbele za Mungu wa Yakobo,
8 galiyegeuza mwamba kuwa dimbwi la maji,
mwamba mgumu kuwa chemchemi za maji.
Copyright information for
SwhKC